گوجرانوالہ : جلسہ گاہ میں ایس او پیز کی خلاف ورزیوں کے باوجود بڑی بڑی جماعتیں جناح اسٹیڈیم کو بھر نہ سکیں۔
اے آر وائی نیوز اسلام آباد کے بیورو چیف و اینکر پرسن صابر شاکر نے پنجاب کے ضلع گوجرانوالہ میں اپوزیشن جماعتوں کے پہلے پاور شو سے متعلق بتایا کہ تین بڑی سیاسی پارٹیاں سمیت 11 جماعتیں پہلا پاور شو کررہی ہیں اور جلسہ گاہ میں کارکنان اور لیڈروں کی جانب سے کرونا ایس او پیز کی خلاف ورزیاں کی جارہی ہیں لیکن جگہیں پھر بھی خالی ہیں۔
انہوں نے کہا کہ جلسہ گاہ میں کرونا ایس او پیز کی خلاف ورزی کے باوجود بھی جگہیں خالی ہیں جبکہ گوجرانولہ کے کے آدھے اسٹیڈیم میں اسٹیج لگایا گیا ہے تاکہ جگہ بھری ہوئی نظر آئے لیکن کیا گوجرانوالہ میں گیارہ جماعتوں کے جلسے میں پنڈال بھر گیا۔
خیال رہے کہ اپوزیشن اتحاد پاکستان ڈیموکریٹک موؤمنٹ (پی ڈی ایم) نے اپنے پہلے ہی جلسے میں انتظامیہ کے ساتھ طے کیے جانے والے معاہدے کی خلاف ورزی کی ہے۔
اے آر وائی نیوز کو موصول ہونے والی معاہدے کی کاپی میں بتایا گیا ہے کہ جلسے سے قبل پی ڈی ایم اے نے کرونا ایس او پیز پر عملدرآمد کی یقین دہانی کرائی تھی جبکہ طے پایا تھا کہ کوئی کارکن ماسک کے بغیر جلسے میں شریک نہیں ہوگا،اس کے برعکس پی ڈی ایم کے کارکنان بغیر ماسک کے جلسے میں شرکت کی اور کسی بھی جماعت کے مرکزی رہنما یا ذمہ دار نے اپنے کارکنان کو ضابطے اخلاق کی خلاف ورزی سے نہیں روکا۔
معاہدے کے مطابق طے پایا تھا کہ جلسے کے منتظمین شرکا کو اسٹیڈیم میں آنے اور جانے والے گیٹ پرسینٹی ٹائزر دینے کے پابند ہوں گے جبکہ پنڈال میں موجود شرکا کے درمیان 6 فٹ کا فاصلہ رکھا جائے گا مگر ایسا کوئی بندوبست نہیں کیا گیا۔
