کراچی: پیپلزپارٹی کے چیئرمین بلاول بھٹو زرداری کا کہنا ہے کہ ہم اے پی سی کی قرارداد کے ساتھ کھڑے ہیں۔
اے آر وائی نیوز کی رپورٹ کے مطابق اینکر پرسن وسیم بادامی نے بلاول بھٹو سے سوال کییا کہ میاں صاحب نے جو کہا آپ اس کے ساتھ کھڑے ہیں جس کے جواب میں بلاول کا کہنا تھا کہ اے پی سی میں ہم پی ڈی ایم کے پلیٹ فارم، اے پی سی کی قرارداد کے ساتھ کھڑے ہیں۔
واضح رہے کہ بلاول بھٹو نے نواز شریف کی گوجرانوالہ میں تقریر کی تائید نہیں کی اور مزید کہا کہ اے پی سی جو ہماری قرارداد تھی ہم سب اس کے ساتھ ہیں۔
خیال رہے کہ نواز شریف نے گوجرانوالہ میں تقریر کے دوران اداروں پر ہرزہ سرائی کی تھی، جس کی وجہ سے سندھ کے شہر حیدرآباد میں نواز شریف کا پتلا بھی نذر آتش کیا گیا۔
نواز شریف کے خلاف احتجاج کرنے والے پی ٹی آئی رہنما کا کہنا تھا کہ نواز شریف کے خلاف مقدمہ بھی درج کروایا جائے گا۔
یاد رہے کہ اپوزیشن کی پی ڈی ایم کی جانب سے کراچی میں حکومت مخالف جلسہ جاری ہے، جلسے سے بلاول بھٹو، مریم نواز اور فضل الرحمان خطاب کریں گے۔
پی ڈی ایم جلسے میں بدنظمی بھی دیکھنے میں آئی تھی اور کارکنان باڑ پھلانگ کر خواتین انکلوژر میں چلے گئے تھے۔
