مسقط: عمانی پولیس نے کفیل کے گھر چوری کے الزام میں گھریلو ملازمہ کو گرفتار کرلیا۔
عرب میڈیا کی رپورٹ کے مطابق رایل عمان پولیس(آر او پی) نے کارروائی کرتے ہوئے اپنے ہی کیفل کے گھر سونے کی جیورلی چوری کرنے کے الزام میں خاتون کو گرفتار کیا، ملازمہ سے تحقیقات کا بھی آغاز کردیا گیا ہے۔
رپورٹ کے مطابق پولیس ملزمہ سے تفتیش کررہی ہے، اس دوران یہ جاننے کی بھی کوشش کی جارہی ہے کہ اس نے سونا چوری کے بعد کہاں رکھا یا پھر کسے فروخت کیا ہے۔
علاوہ ازیں عمانی پولیس نے سوشل میڈیا کے ذریعے خاتون کو ہراساں کرنے والے شہری کو بھی گرفتار کرلیا ہے۔
متعلقہ ادارے کا کہنا ہے ملزم نے ٹیلی کمیونیکیشن ریگولیٹری اتھارٹی قوانین کی خلاف ورزی کی جس کے تحت شہری کے خلاف کارروائی کی جارہی ہے۔ ممکنہ طور پر ملزم پر بھاری جرمانے عائد ہوں گے۔
یہ بھی جاننے کی کوشش کی جارہی ہے کہ ملزم اس سے قبل بھی اس طرح کے واقعات میں ملوث تو نہیں رہا۔
