دنیا بھر میں مقبول ویڈیو گیم ‘فورٹ نائٹ’ کھیلنے والوں کے لیے خوش خبری آگئی کیوں کہ گیم کا حجم کم کردیا گیا ہے اور اب یہ گیم ڈیوائس میں زیادہ اسپیس نہیں گھیر سکے گی۔
غیرملکی خبرساں ادارے کی رپورٹ کے مطابق یہ سہولت صرف ڈیسک ٹاپ کمپیوٹر پر کھیلنے والے گیمرز کو ملے گی، کمپیوٹر پر فورٹ نائٹ کا حجم 90 جی بی ہے لیکن ایک اب ایسی سہولت سامنے آئی ہے جس کے ذریعے گیم صرف 30 جی بی کا ہوجائے گا اس طرح گیمز کے شوقین افراد کمپیوٹر پر 60 جی بی اسپیس بچا سکیں گے۔
یہ تبدیلی فورٹ نائٹ بنانے والے ڈویلپر ایپک کی جانب سے کی جانی والی حالیہ ‘آپٹمائزیشن’ کا نتیجہ ہے۔
اس سہولت سے مستفید ہونے کے لیے صارفین کو کمپیوٹر پر ایک پیچ ڈاؤن لوڈ کرنا ہوگا، اس پیچ کا حجم 27 جی بی ہے مگر اس سے گیم میں آپٹمائزیشن کے ذریعے فورٹ نائٹ کا حجم 30 جی بی تک ہوسکتا ہے۔
Boo.🎃
v14.40 arises tomorrow, October 21. Downtime starts at approx. 04:00 AM ET (08:00 UTC). pic.twitter.com/60MVUVJsZC
— Fortnite Status (@FortniteStatus) October 20, 2020
کمپنی نے امید ظاہر کی ہے کہ مستقبل میں مزید اس پیج پر تبدیلی لائی جائے گی جس سے گیم کا اسپیس اور کم ہوگا اور گیم کی لوڈنگ پرفارمنس بھی بہتر ہوگی، ورژن 14.40 اپ ڈیٹ 21 اکتوبر سے لائیو ہوگئی ہے۔
