کورونا پابندیوں کے دوران عمرہ ادائیگی کے مرحلہ وار بحالی میں کیا دوسرا عمرہ ادا کیا جاسکتا ہے؟
اس اہم سوال پر وزارت حج و عمرہ نے وضاحت پیش کرتے ہوئے کہا ہے کہ پہلا عمرہ مکمل کرنے کے بعد ہی دوسرے عمرے کی درخواست دی جاسکتی ہے۔
وزارت کا کہنا ہے کہ ایک شخص ایک وقت میں صرف ایک عمرے کی اجازت ہوگی اور دوسرے عمرے کی درخواست اسی صورت میں دی جائے گی جب پہلا عمرہ مکمل ہو چکا ہے۔
وزارت نے واضح کیا کہ دوسرے عمرے کے لیے صرف مناسب وقفہ اور اوقات کا خیال رکھنا ہوگا، طریقہ کار وہی اختیار کیا جائے گا جیسا کہ پہلے عمرے میں اعتمرنا ایپ کے ذریعے اجازت نامہ لیا گیا تھا۔
حکام کا کہنا ہے کہ ایک سے زائد عمرے کرنے کی ممانعت نہیں ہے لیکن شرط یہ ہے کہ ہر بار الگ اجازت نامہ حاصل کرنا ہوگا۔
اس سے قبل بھی وزارت نے دوسرے عمرے سے متعلق سوال کے جواب میں کہا تھا کہ کم از کم 15 دن کا وقفہ ہونا چاہیے اور ایپ کے ذریعے ہی اجازت نامہ حاصل کیا جائے۔
