کراچی: پاکستانی ڈرامہ انڈسٹری کی معروف اداکارہ حرا مانی کی انسٹاگرام پوسٹ سوشل میڈیا پر وائرل ہوگئی۔
تفصیلات کے مطابق شوبز فنکاروں کی جانب سے سماجی رابطے کی ویب سائٹس پر مختلف تصاویر اور ویڈیوز شیئر کی جاتی ہیں جن کا مقصد مداحوں سے وقتاً فوقتاً رابطہ رکھنا ہوتا ہے، مداح بھی اپنے پسندیدہ فنکاروں کی پوسٹ میں دلچسپی لیتے ہیں اور انہیں سراہتے ہیں۔
اے آر وائی ڈیجیٹل کے ڈرامے ’دو بول‘ سے شہرت کی بلندیوں کو چھونے والی اداکارہ حرا مانی نے سماجی رابطے کی ویب سائٹ انسٹاگرام پر ایک خوبصورت تصویر شیئر کی جسے مداحوں کی جانب سے خوب سراہا جارہا ہے۔
حرا مانی کی جانب سے شیئر کردہ تصویر میں دیکھا جاسکتا ہے کہ وہ ’باکسنگ گلوز‘ پہن کر غصے کا عنصر دے رہی ہیں، ساتھ ہی انہوں نے کیپشن لکھا کہ ’مجھ سے پنگا نہ لینا، ورنہ ایک آئے گا زور کا۔‘
واضح رہے کہ اس سے قبل اداکارہ نے اپنی 12 سال پرانی تصویر شیئر کی تھی، تصویر شیئر کرتے ہوئے حرا مانی کا کہنا تھا کہ یہ تصویر جولائی 2008 کی ہے۔
حرا نے اے آر وائی ڈیجیٹل کے ڈراموں ’دو بول‘ اور ’غلطی‘ میں حرا مانی کی اداکاری کو مداحوں کی جانب سے سراہا گیا تھا، ڈرامے میں حرا کے ہمراہ اداکار عفان وحید نے مرکزی کردار ادا کیا تھا۔
یاد رہے کہ حرا مانی کا اصل نام حرا سلمان ہے، حرا مانی اور سلمان ثاقب شیخ 2008 میں رشتہ ازدواج میں منسلک ہوئے تھے ان کے دو بیٹے مزمل اور ابراہیم ہیں۔
