اسلام آباد : وفاقی وزیراطلاعات شبلی فراز کا کہنا ہے کہ پی ڈی ایم یہ نہ سمجھے ایازصادق کا بیان پس منظر میں چلا جائے گا ، اداروں کیخلاف زہرپھیلاکردشمن کو خوش کرنےکی کوشش کامیاب نہیں ہونے دیں گے۔
تفصیلات کے مطابق وفاقی وزیراطلاعات شبلی فراز نے سماجی رابطے کی ویب سائٹ ٹوئٹر پر اپنے پیغام میں کہا کہ پی ڈی ایم یہ نہ سمجھےایازصادق کابیان پس منظرچلاجائے گا، عوام جلسوں میں ملک دشمن بیانیے،مزارقائدبےحرمتی کاحساب چاہتے ہیں ، ان کی اداروں کیخلاف زہرپھیلاکردشمن کو خوش کرنےکی کوشش کامیاب نہیں ہونے دیں گے۔
پی ڈی ایم کی قیادت یہ نہ سمجھےکہ ایاز صادق کے بیان کی بات پس ِمنظر میں چلی جائے گی۔پاکستان کے عوام گوجرانوالہ، کوئٹہ جلسوں کے ملک دْشمن بیانیے اور مزار قائد کی بے حرمتی کا حساب چاہتےہیں،اِنکی قومی اِداروں کےخلاف زہرپھیلا کردشمن کو خوش کرنے کی مذموم کوشش کامیاب نہیں ہونے دیں گے ۔
— Senator Shibli Faraz (@shiblifaraz) November 2, 2020
یاد رہے سینیٹر شبلی فراز نے اپوزیشن پر تنقید کرتے ہوئے کہا تھا کہ اپوزیشن جماعتیں نئے بیانیے کیساتھ بے وقوف بنانے آگئے ہیں لیکن ہمیں 5 سال کامینڈیٹ ملا ہے پورا کریں گے۔
وفاقی وزیر اطلاعات کا سابق وزیر اعظم نواز شریف پر تنقید کرتے ہوئے کہنا تھا کہ مجرم کو واپس لارہے ہیں کسی معصوم کو نشانہ نہیں بنارہے اور نواز شریف کو لانے کےلیے قانونی راستہ اپنا رہے ہیں، عمران خان نوازشریف کی واپسی کیلئے ذاتی تعلق بھی استعمال کریں گے۔
انہوں نے کہا تھا کہ برطانیہ کوبھی زیب نہیں دیتاکہ مجرموں کو سہولت دے، برطانیہ کو ایسے لوگوں سے ہمدردی نہیں ہونی چاہیے جو مجرم ہوں۔
چیئرمین پیپلز پارٹی کو ہدف تنقید بناتے ہوئے شبلی فراز نے کہا تھا کہ بلاول بھٹو دماغی توازن کھو بیٹھے ہیں، ماضی پر شرمندہ نہیں، بلاول کہتے ہیں جنوری 2021، میں کہتا ہوں جنوری 2028 کی بات کریں۔
