لاہور : علامہ اقبال انٹرنیشنل ائیرپورٹ پر کسٹمز کے عملے نے دو مختلف کارروائیوں میں اسمگلنگ کی کوشش ناکام بنادی، مسافر کا سامان ضبط کرکے جانے کی اجازت دے دی۔
تفصیلات کے مطابق علامہ اقبال انٹرنیشنل ائیرپورٹ پر بیرون ملک سے آئے مسافر کے سامان سے19 شراب کی بوتلیں برآمد کرلی گئیں، پاکستانی نژاد امریکی شہری امریکہ سے بذریعہ دوحہ لاہور پہنچا تھا۔
دوسری کارروائی میں کسٹم عملے نے بیوٹی کریم کی بڑی تعداد ترکی اسمگلنگ کی کوشش ناکام بنا دی، اس حوالے سے ذرائع نے بتایا ہے کہ دوران چیکنگ مسافر کے سامان سے بیوٹی کریم کی 450 ڈبیاں برآمد ہوئی تھیں۔
کسٹمز حکام کے مطابق مذکورہ مسافر ترکش ایئر کی پرواز سے استنبول جارہا تھا، کسٹمز اہلکاروں نے سامان قبضے میں لے کرمسافر کو سفر کرنے کی اجازت دے دی۔
