اشتہار

کامیاب آپریشن : پیٹ سے230 کیلیں اور شیشے کا ٹکڑا نکال لیا، تصاویر وائرل

اشتہار

حیرت انگیز

جدہ : سعودی عرب میں ڈاکٹروں نے بڑاکارنامہ انجام دیتے ہوئے مریض کو موت کے منہ میں جانے سے بچالیا،  کامیاب آپریشن کرکے پیٹ سے درجنوںکیلیں اور شیشہ نکال لیا۔

سعودی عرب کے شہر جدہ میں سعودی ڈاکٹروں کی ٹیم نے ایک مریض کی زندگی بچالی، اس کے پیٹ سے 230 کیلیں اور شیشے کا ایک ٹکڑا برآمد کر لیا گیا۔

- Advertisement -

غیر ملکی خبر  رساں ادارے کے مطابق سعودی ترجمان محکمہ صحت نے اپنے جاری بیان میں اس کی تصدیق کرتے ہوئے کہا کہ شرق جدہ ہسپتال میں ایک ذہنی مریض علاج کے لیے لایا گیا جو شدید تکلیف میں مبتلا تھا۔طبی معائنے کے بعد انکشاف ہوا کہ اس کے پیٹ میں لاتعداد کیلیں موجود ہیں۔

ترجمان جدہ محکمہ صحت نے میڈیا کو بتایا کہ مریض کا پیٹ پھولا ہو ا تھا اور وہ شدید درد اور چھبن محسوس کر رہا تھا، کلینیکل ٹیسٹ سے پتہ چلا کہ اس کے پیٹ میں کیلیں ہیں جس کے بعد فوری آپریشن کا فیصلہ کیا گیا۔

ڈاکٹروں نے طویل آپریشن کے بعد اس کے پیٹ سے ایک عدد شیشے کا ایک ٹکڑا اور 230کیلیں نکال لیں، اسپتال ذرائع کے مطابق اب مریض کی حالت خطرے سے باہر بتائی جارہی ہے۔

ترجمان کے مطابق کامیاب آپریشن کے مریض کو ذہنی مر یضوں کے وارڈ میں منتقل کردیا گیا ہے جہاں اب اس کی ذہنی بیماری کا علاج کیا جا رہا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں