اسلام آباد : فواد چوہدری نے بلاول بھٹو کے بیان پر ردعمل دیتے ہوئے کہا کہ بلاول بھٹو گلگت بلتستان میں ہار چکے ہیں اور جمہوریت کا تقاضہ ہے کہ بلاول بھٹو نتائج تسلیم کریں۔
ان خیالات کا اظہار وفاقی وزیر سائنس اینڈ ٹیکنالوجی فواد چوہدری نے چیئرمین پیپلز پارٹی بلاول بھٹو زرداری کے گلگت بلتستان انتخابات میں دھاندلی کے الزامات پر کیا، انہوں نے کہا کہ پی پی نے بھرپور مہم چلائی لیکن عوام نے پی ٹی آئی کو منتخب کیا۔
فواد چوہدری کا کہنا تھا کہ جمہوریت کا تقاضہ ہے کہ بلاول بھٹو نتائج تسلیم کریں اور عوام کی رائے کا احترام کریں۔
- Advertisement -
رہنما پی ٹی آئی کا کہنا تھا کہ بلاول شرمندگی سے بچنے کےلیے تنازع کھڑا کررہے ہیں لیکن بلاول کی باتوں میں کوئی وزن نہیں۔
وزیراعظم جس کا انتخاب کریں گے وہ وزیراعلیٰ بنے گا، پنجاب میں بھی وزیر اعلیٰ انتخاب بعد میں ہوا تھا۔
