ریاض : سعودی حکومت نے بجلی کی پیداوار میں اضافے اور جدید انداز میں تیاری کیلئے ایک پروگرام ترتیب دیا ہے جس کے لیے اہم اقدامات کا فیصلہ کیا گیا ہے۔
اس حوالے سے سعودی وزیر توانائی شہزادہ عبدالعزیز بن سلمان نے کہا ہے کہ بجلی کے شعبے کو وزارت توانائی میں ضم کردیا گیا ہے۔
سعودی ذرائع ابلاغ کے مطابق گزشتہ روز پریس کانفرنس سے خطاب کرتے ہوئے وزیر توانائی نے کہا کہ سعودی عرب گیس یا تجدید پذیر توانائی کے ذریعے بجلی تیار کرنے کا پروگرام بنا رہا ہے۔
وزیر توانائی کا کہنا تھا کہ بجلی کے شعبے کو پائیدار اور مضبوط بنانے کے لیے انتظامی اصلاحات لائی جا رہی ہیں، بجلی کمپنی کو نرخنامے میں اضافے کا کوئی فائدہ نہیں ہوا۔
انہو ں نے بتایا کہ بجلی کے شعبے کو جدید خطوط پر استوار کرنے کے لے ولی عہد شہزادہ محمد بن سلمان کی صدارت میں وزارتی کمیٹی تشکیل دے دی گئی ہے۔
انہوں نے کہا کہ بجلی کے شعبے کو وزارت میں شامل کرنے کا مقصد بجلی کے شعبے کے ڈھانچے کی تنظیم نو اور صارفین کی ضروریات پر توجہ دینا ہے۔
وزیر توانائی نے کہا بجلی کمپنی کی آمدنی کو نئے طریقہ کار کے مطابق منظم کا جائے گا، اس سے بجلی کا معیار بلند اور متوازن آمدنی کا انتظام ہوگا۔
