کراچی: سی پی ایل سی کا کہنا ہے کہ 10 ماہ کے دوران کراچی میں 322 شہریوں کو قتل کردیا گیا جبلکہ 18ہزار موبائل فون چھینے گئے۔
تفصیلات کے مطابق رواں سال کے 10 ماہ شہر قائد کے باسیوں پر بجلی بن کرگرے ، اس دوران جرائم پیشہ عناصر نے شہریوں کو دونوں ہاتھوں سے لوٹا۔
سٹی پولیس لیاژان کمیٹی (سی پی ایل سی) نے رواں سال کے 10 ماہ میں ہونے والے جرائم کے اعدادو شمار جاری کردئیے ، جس میں بتایاکہ وارداتوں کےدوران 322شہری اپنی جانوں سے ہاتھ دھوبیٹھے ، جنوری سے اکتوبر تک بھتہ خوری کی17وارداتیں رپورٹ ہوئیں۔
رپورٹ میں بتایا گیا کہ اغوا برائے تاوان کی 2 اور بینک ڈکیتی کی ایک واردات ہوئی جبکہ ، شہریوں سے 10ماہ میں تقریباً18ہزار موبائل فون چھینے گئے اور 1300سےزائدگاڑیاں چوری یاچھینی گئیں جبکہ 30ہزار سے زائد شہری موٹر سائیکلوں سے محروم ہوئے۔
سی پی ایل سی کا کہنا ہے کہ پولیس نے 281گاڑیاں،1845موٹرسائیکلیں ریکورکیے، چھینے گئے 1885موبائل فون بھی برآمد کیے گئے۔
حکام کے مطابق سی پی ایل سی کی جانب سے ہر ماہ کے اختتام پر جرائم کے اعداد و شمار جاری کیے جاتے ہیں تاہم شہریوں کی جانب سے موبائل فون یا موٹرسائیکل چھیننے کے بہت سے واقعات درج نہیں کروائے گئے۔
