کراچی: ٹک ٹاک ویڈیو بنانے کے جنون نے سیکیورٹی گارڈ کی زندگی کا خاتمہ کردیا ہے۔
تفصیلات کے مطابق پاکستان میں ٹک ٹاک کے شوقین افراد کی تعداد لاکھوں میں ہے جو اپنی ویڈیو بنا کر ٹک ٹاک پر اپ لوڈ کرتے ہیں، اس دوران ہزاروں نوجوان خطرناک انداز میں ویڈیو بنا کر ایپ پر ڈاؤن لوڈ کرتے ہیں جس کے باعث گزشتہ ایک سال کے دوران درجنوں نوجوان اپنی زندگی کی بازی ہار چکے ہیں۔
آج ایک اور واقعہ گلستان جوہر میں پیش آیا، جہاں سیکیورٹی گارڈ سر پر پستول رکھ کر ٹک ٹاک ویڈیوبنارہاتھا کہ اچانک گولی چل گئی، جس کے نتیجے میں وہ موقع پر ہی جاں بحق ہوگیا۔
یہ بھی پڑھیں: ٹک ٹاک ویڈیو بناتے ہوئے نوجوان کی موت: حادثہ یا قتل؟ معاملہ نیا رخ اختیار کرگیا
اےآر وائی نیوز نے سیکیورٹی گارڈ کی ٹک ٹاک بناتےہوئے ویڈیو حاصل کرلی ہے، ویڈیو میں سیکیورٹی گارڈ کو سر پر پستول رکھ کر ٹک ٹاک بناتےدیکھا جاسکتا ہے۔
