کراچی: پیپلزپارٹی کے چیئرمین بلاول بھٹو کے سیاسی مشیر جمیل سومرو کورونا وائرس کا شکار ہوگئے۔
اے آر وائی نیوز کی رپورٹ کے مطابق پیپلزپارٹی کے چیئئرمین بلاول بھٹو کے سیاسی مشیر جمیل سومرو میں کورونا وائرس کی تشخیص ہوئی ہے۔
ذرائع کا کہنا ہے کہ جمیل سومرو کا کورونا ٹیسٹ مثبت آنے پر بلاول بھٹو نے خود کو آئسولیٹ کرلیا۔
واضح رہے کہ وزیر اعلیٰ سندھ سید مراد علی شاہ بھی کورونا ٹیسٹ مثبت آنے پر قرنطینہ میں ہیں، اس سے قبل سعید غنی، مولا بخش چانڈیو بھی کورونا وائرس کا شکار ہوگئے تھے۔
گزشتہ ماہ پیپلز پارٹی کے سینئر رہنما اور وزیر اعلیٰ سندھ کے معاون خصوصی راشد ربانی کرونا وائرس انفیکشن سے انتقال کرگئے تھے، وہ کئی روز سے نجی اسپتال میں زیر علاج تھے اور انھیں انتقال سے دو دن قبل سانس لینے میں دشواری کی وجہ سے وینٹی لیٹر پر منتقل کیا گیا تھا۔
مزید پڑھیں: پاکستان میں کورونا وائرس خطرناک حد تک پھیلنے لگا، ایک دن میں 48 اموات
خیال رہے کہ پاکستان میں کرونا مزید 48 افراد کی جان لے گیا، جس کے بعد اموات کی تعداد 7 ہزار 744 ہوگئی جبکہ 3 ہزار کے قریب نئے کیسز رپورٹ ہوئے۔
ملک میں24 گھنٹے کے دوران 2 ہزار 954 کورونا کیسز رپورٹ ہوئے، جس کے بعد پاکستان میں کرونا کے ایکٹیو کیسز کی تعداد 40 ہزار 379 ہوگئی۔
