چکن مکھنی ہانڈی ۔۔ یہ ہانڈی بنانے کی آسان ترین ریسیپی ہے جو ریسٹورینٹس والے بناتے ہیں اور اس کا ذائقہ بہت بہترین ہوتا ہے
اجزاء:
چکن بوٹی آدھا کلو بون لیس۔
۔پیاز دو عدد کچی، پسی ہوئی۔
ہری مرچ چھ عدد کچلی ہوئی۔
فریش کریم ایک پیکٹ۔
تیل آدھی پیالی۔
گرم مصالحہ ایک چائے کا چمچ پسا ہوا۔
ہلدی ایک چائے کا چمچ۔
لال مرچ پسی ہوئی ایک کھانے کا چمچ۔
ادرک اور لہسن کا پیسٹ ایک کھانے کا چمچ۔
مکھن دو کھانے کے چمچ۔
نمک حسب ذائقہ۔
تیار کرنے کی ترکیب۔
ایک ہانڈی میں تیل گرم کرکے کچی پسی ہوئی پیاز ہلکی گلابی کرلیں۔ اب اس میں ادرک لہسن کا پیسٹ، نمک، ہلدی اور پسی لال مرچ ڈال کر ہلکا سا بھونیں اور چکن بوٹی میں ڈال دیں۔
جب چکن کا پانی خشک ہوجائے تو اس میں پسا ہوا گرم مصالحہ، کچلی ہوئی ہری مرچ، فریش کریم اور مکھن ڈال کر دس منٹ تک دَم پر رکھ دیں۔
مزیدار چکن مکھنی تیار ہے، اب اس کو ہانڈی سادے چاولوں کے ساتھ مہمانوں کو پیش کریں۔
