غیرملکیوں کے لیے خوشخبری ہے کہ سلطنت عمان کی حکومت نے سیاحتی ویزے جاری کرنے کا اعلان کر دیا ہے۔
عمانی میڈیا کے مطابق کورونا وائرس کے تناظر میں بنائی گئی سپریم کمیٹی نے غور و فکر کے بعد سیاحوں کے لیے سلطنت کے دروازے کھولنے کا فیصلہ کیا ہے۔
ٹورازم کمپنیوں اور ہوٹلوں کے زیر انتظام سیاحتی گروہوں کو کورونا فریم ورک کے تحت سیاحتی ویزے جاری کیے جائیں گے اور کورونا ایس او پیز کے تحت غیرملکیوں کو سلطنت میں آنے کی اجازت ہوگی۔
قررات جديدة تتمخض عن اجتماع اللجنة العليا المكلفة ببحث آلية التعامل مع التطورات الناتجة عن انتشار فيروس #كورونا واللجنة الاقتصادية. pic.twitter.com/iR1nG8esTR
— وكالة الأنباء العمانية (@OmanNewsAgency) November 30, 2020
خلیجی ملک نے یکم اکتوبر سے بین الاقوامی پروازیں بحال کی تھیں جس میں ابتدائی طور پر صرف ان افراد کو سلطنت میں داخلے کی اجازت تھی جن کے پاس مؤثر ویزے اور اقامے تھے۔
سپریم کمیٹی نے معیشت کی بہتری کے لیے متعدد کمرشل اور صنعتی سرگرمیاں بھی دوبارہ سے بحال کرنے کا فیصلہ کیا ہے تاہم اس متعلق مزید تفصیلات اور حتمی تاریخ کا اعلان کیا گیا۔