اشتہار

مشہور مزاحیہ اداکار نرالا کی برسی

اشتہار

حیرت انگیز

9 دسمبر کو نرالا جن کا اصل نام سید مظفر حسین زیدی تھا، اس دنیا سے رخصت ہوگئے تھے۔ آج ان کی برسی منائی جارہی ہے۔ نرالا پاکستانی فلموں‌ کے مشہور مزاحیہ اداکاروں میں‌ سے ایک ہیں۔

نرالا 8 اگست 1937ء کو پیدا ہوئے۔ انھوں‌ نے 1960ء میں فلمی سفر کا آغاز کیا تھا، نرالا کی پہلی فلم ’اور بھی غم ہیں‘ تھی جس میں‌ ان کی اداکاری پسند کی گئی۔ انھوں نے اپنے کیریئر کے دوران لگ بھگ سو فلموں میں‌ کام کیا اور شہرت پائی۔ فلم’ارمان‘ میں بہترین پرفارمنس پر انھیں‌ نگار ایوارڈ دیا گیا۔

اداکار نرالا کی یادگار فلموں میں مسٹر ایکس، شرارت، چھوٹی بہن، ہیرا اور پتھر، ارمان، ہونہار، دوراہا، زمین کا چاند، انسان اور گدھا، گھر داماد، راجہ، اجالا، انجانے راستے، السلام علیکم، نصیب اپنا اپنا، دشمن، اسے دیکھا اسے چاہا وغیرہ شامل ہیں۔ ان کی آخری فلم کا نام چوروں کا بادشاہ تھا۔

- Advertisement -

1990 میں‌ کراچی میں وفات پانے والے نرالا کو مقامی قبرستان میں سپردِ‌ خاک کیا گیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں