واشنگٹن: امریکا بھی کرونا کے خلاف ویکسین استعمال کرنے والے ممالک میں شامل ہوگیا ہے، ٹرمپ نے فائزر کی ویکسین استعمال کرنے کی منظوری دے دی ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں امریکی صدر ڈونلڈ ٹرمپ نے کہا کہ خوشی ہے کہ ایف ڈی اے نے فائزر کی ویکسین کے استعمال کی منظوری دیدی ہے۔
“Donald Trump must get the credit for the vaccines. It is a miracle.” @Varneyco
— Donald J. Trump (@realDonaldTrump) December 11, 2020
امریکی صدر کا کہنا تھا کہ امریکی قوم کیساتھ آج طبی معجزہ ہوا ہے،امریکا نے محفوظ اور موثر ویکسین صرف نو ماہ میں حاصل کرلی ہے۔
BREAKING: @US_FDA has granted an emergency use authorization to Pfizer for it's COVID-19 vaccine.
It is nothing short of a medical miracle to have FDA authorization of a vaccine for COVID-19 just over 11 months since the virus was made known to the world.
— Alex Azar (@SecAzar) December 12, 2020
صدر ٹرمپ کا کہنا تھا کہ کرونا وائرس ویکسین چوبیس گھنٹےکےاندر لگانےکاعمل شروع ہوجائےگا، یہ تاریخ کی عظیم ترین سائنسی کامیابیوں میں سے ایک ہے۔
اس سے قبل برطانیہ اور کینیڈا بھی فائزر کی کرونا ویکسین کی منظوری دے چکے ہیں، واضح رہے کہ امریکہ میں بیماریوں پر کنٹرول اور روک تھام کرنے والی سی ڈی سی کمیٹی نے سب سے پہلے ہیلتھ ورکروں اور نرسنگ ہوم کے ملازمین کو ٹیکہ لگانے کی سفارش کی ہے۔
یہ بھی پڑھیں: کورونا ویکسین : جاتے جاتے ڈونلڈ ٹرمپ کا بڑا اعلان
سی ڈی سی کے مطابق دسمبر کے آخر تک ایجنسی کو تقریباً 4 کروڑ کوویڈ۔19 ویکسین کی خوراک کے تیار کرنے کی امید ہے۔ کورونا وائرس سے اب تک 6.64ملین سے زائد افراد متاثر ہوچکے ہیں جبکہ اس وبا کی وجہ سے 15.28 لاکھ سے زیادہ افراد کی اموات ہوچکی ہیں۔
