اسلام آباد: وزیراعظم عمران خان اور وزیراعلیٰ پنجاب نے معروف عالم دین کی جلد صحت یابی کے لئے دعا کی ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعظم نے مولانا طارق جمیل کی کروناسےجلدصحت یابی کی دعا کرتے ہوئے کہا کہ مولاناطارق جمیل کی جلد اور مکمل صحتیابی کیلئےدعاگو ہوں۔
Praying for Maulana Tariq Jamil's speedy and full recovery from Covid 19.
— Imran Khan (@ImranKhanPTI) December 14, 2020
وزیراعلیٰ پنجاب سردار عثمان بزدار نے بھی معروف عالم دین مولانا طارق جمیل کی جلدصحت یابی کی دعا کی ہے، اپنے پیغام میں وزیراعلیٰ نے مولاناطارق جمیل کی صحت یابی کیلئےنیک تمناؤں کا اظہار کیا۔
السلام علیکم ورحمة الله
گذشتہ کچھ ایام سے طبعیت ناساز تھی، ٹیسٹ کروانے پر کورونا پازیٹو آیا ہے ،
اطبّاء کے مشورے سے ہسپتال داخل ہو گیا ہوں، تمام محبین سے خصوصی دعاؤں کی درخواست ہے۔#tariqjamil— Tariq Jamil (@TariqJamilOFCL) December 13, 2020
اس سے قبل سوشل میڈیا پر اپنے پیغام میں معروف عالم دین مولانا طارق جمیل نے کہا تھا کہ ان کی گزشتہ کچھ ایام سے طبیعت ناساز تھی جس کے باعث انہوں نے کرونا ٹیسٹ کرایا جس کا نتیجہ مثبت آگیا ہے، اطبّاء کے مشورے سے اسپتال میں داخل ہو گیا ہوں، تمام محبین سے خصوصی دعاؤں کی درخواست ہے۔
ادھر نیشنل کمانڈ اینڈ آپریشن سینٹر (این سی او سی) کے جاری کردہ اعداد و شمار کے مطابق ملک میں چوبیس گھنٹے کے دوران کرونا وائرس سے 36 افراد انتقال کرگئے، جس کے بعد مرنے والوں کی تعداد 8 ہزار 832 ہوگئی۔
این سی او سی کے مطابق ملک بھر میں کرونا وائرس کے مزید 2 ہزار 362 کیسز رپورٹ ہونے کے بعد ایکٹیو کیسز کی تعداد 47 ہزار 236 ہوگئی، اعداد و شمار میں بتایا گیا ہے کہ ملک میں کرونا وائرس سے صحت یاب افراد کی تعداد 3 لاکھ 84 ہزار 719 ہوگئی۔
جاری کردہ رپورٹ کے مطابق ملک میں گزشتہ 24 گھنٹے کے دوران 31 ہزار 830 کرونا ٹیسٹ کیے گئے جس کے بعد ملک میں کرونا ٹیسٹ کی مجموعی تعداد 60 لاکھ 64 ہزار 220 تک پہنچ گئی۔
