واشنگٹن: امریکی ایئرپورٹ لاس ویگاس میں طیارے کے وِنگ(پَر) کے اوپر چڑھ کر عجیب وغریب حرکت کرنے والے شہری کو پولیس نے گرفتار کرلیا۔
غیرملکی خبررساں ادارے کی رپورٹ کے مطابق یہ حیرت انگیز واقعہ امریکی ریاست لاگ ویگاس کے ایئرپورٹ پر پیش آیا جہاں الاسکا ایئرلائن کے طیارے کے ونگ پر ایک شخص چڑھ گیا اور اچھل کود کرنے لگا۔
رپورٹ کے مطابق جہاز کی لاس ویگاس سے پورلینڈ شہر کی فلائٹ تھی اس سے قبل کے طیارہ اڑان بھرتا شہری اچانک پر کے اوپر آبیٹھا۔ اس دوران اس نے ادھر ادھر دیکھا تو کبھی لیٹ کر سونے کی اداکاری بھی کی۔
بعدازاں ایئرپورٹ انتظامیہ نے فوری طور پر پولیس کو کال کی جس نے کارروائی کرتے ہوئے شہری کو گرفتار کرلیا۔
طیارے میں بیٹھے ایک مسافر نے اس ڈرامائی مناظر کو کیمرے کی آنکھ سے قید کیا اور ویڈیو سوشل میڈیا پر وائرل ہوگئی، مذکورہ شخص کی گرفتاری ونگ سے نیچے گرنے پر عمل میں آئی۔
