ہمبنوٹا: لنکا پریمیئر لیگ میں گال گلیڈی ایٹرز کی نمائندگی کرنے والے اعظم خان کی ڈیل اسٹین سے گفتگو کی دلچسپ ویڈیو وائرل ہوگئی۔
تفصیلات کے مطابق لنکا پریمیئر لیگ (ایل پی ایل) میں سابق کرکٹر معین خان کے بیٹے وکٹ کیپر بیٹسمین اعظم خان کی فاسٹ بولر ڈیل اسٹین کی گئی گفتگو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ اعظم خان ڈیل اسٹین سے مخاطب ہوکر کہہ رہے ہیں کہ ’کیا آپ جانتے ہیں،’’ آئی ایم آ فشر مین ٹو’’۔
اعظم کے اس جملے پر ڈیل اسٹین مسکرا دئیے اور کہا ’’او ،رئیلی‘‘ (یعنی واقعی)۔ جس کے بعد اعظم خان بھی مسکرا دئیے اور پھر بولرز اور فیلڈرز کا حوصلہ بڑھاتے ہوئے نظر آئے۔
Azam Khan – Do you know I’m a fisherman too
Steyn – Realyy?? 😂😂 pic.twitter.com/KXAQf0FHwy
— Nibraz Ramzan (@nibraz88cricket) December 11, 2020
واضح رہے کہ گال گلیڈی ایٹرز کی ٹیم سیمی فائنل میں کامیابی کے بعد فائنل کے لیے کوالیفائی کرچکی ہے۔
گال گلیڈی ایٹرز میں اعظم خان کے علاوہ احسن خان اور محمد عامر بھی پاکستان کی نمائندگی کررہے ہیں۔یاد رہے کہ شاہد خان آفریدی گال گلیڈی ایٹرز کے کپتان تھے لیکن گھریلو ایمرجنسی کے باعث وہ وطن واپس لوٹ گئے تھے۔
شاہد خان آفریدی فائنل میچ میں شرکت کریں گے یا نہیں اس بارے میں کوئی فیصلہ تاحال نہیں ہوسکا ہے۔