کرا چی:فائرنگ کے مختلف واقعا ت میں تین افراد جاں بحق جبکہ پولیس مقابلےمیں لیاری گینگ وارکےملزم سمیت تین ملزمان مارے گئے۔
کراچی میں بدامنی نے پھر سر اٹھالیا، گلستان جوہر میں راڈو اپارٹمنٹ کے قریب امام بارگاہ کے باہر بیٹھے افراد پر نامعلوم موٹر سائیکل سواروں نے فائرنگ کردی، جس کے نتیجے میں دو افراد جاں بحق اور دو زخمی ہوگئے۔
لیاری کے علاقے بغدادی میں فائرنگ سے ایک شخص جاں بحق ہوگیا، لیاری ہی کے علاقے کلری میں مبینہ پولیس مقابلے میں گینگ وار کا ملزم مارا گیا، ملزم کی شناخت عبداللہ عرف حاجی دادا کے نام سے ہوئی ہے، ہلاک ملزم کا تعلق شکیل بادشاہ گروپ سے تھا۔
- Advertisement -
پولیس کے مطابق ملزم اغوا برائے تاوان سمیت متعدد وارداتوں میں مطلوب تھا، سہراب گوٹھ میں پولیس مقابلےمیں دو ڈاکو مارے گئے۔
