لاہور: پاکستان کرکٹ بورڈ نے دورہ سری لنکا کے لئے قومی کرکٹ ٹیم کی دس رکنی ٹیم انتظامیہ کا اعلان کر دیا ہے۔
اعلان کردہ ٹیم انتظامیہ میں معین خان مینیجر، وقار یونس ہیڈ کوچ، مشتاق احمد سپن بائولنگ کوچ، گرانٹ فلاور بیٹنگ کوچ، گرانٹ لوڈن فیلڈ کوچ اور ٹرینر، میجر اظہر عارف سیکیورٹی مینیجر، محمد طلحہ بٹ اینالسٹ، عثمان غنی فزیو تھراپسٹ، شاہد اسلم اسسٹنٹ ٹو ہیڈ کوچ اور محمد عمران مساجر شامل ہیں۔
قومی کرکٹ ٹیم چھ سے تیس اگست تک سری لنکا کے خلاف دو ٹیسٹ اور تین ون ڈے میچز کی سیریز کھیلے گی۔
