کراچی : مددگار پولیس نے فائیو اسٹار چورنگی کے قریب لڑکی کو اغوا کرنے کی کوشش ناکام بناتے ہوئے ملزمان کو دھرلیا۔
تفصیلات کے مطابق شہر قائد میں اسٹریٹ کرائمز اور اغوا کی وارداتوں میں مسلسل اضافہ ہوتا جارہا ہے اور متعلقہ حکام نے کراچی کے باسیوں کو جرائم پیشہ افراد کے رحم و کرم پر چھوڑ دیا گیا ہے۔
اغوا کا ایسا ہی ایک اور واقعہ کچھ دیر قبل کراچی کے علاقے فائیو اسٹار چورنگی کے قریب پیش آیا ہے جسے مددگار پولیس نے بروقت کارروائی کرتے ہوئے ناکام بنایا۔
مددگار پولیس نے لڑکی کو اغوا کرنے والی گاڑی کا تعاقب کرکے دو ملزمان کو گرفتار کرلیا جبکہ مغوی لڑکی کو بھی باحفاظت بازیاب کرالیا۔
نمائندہ اے آر وائی کا کہنا ہے کہ سندھ پولیس نے مددگار ٹیم نے شہری کی نشاندہی پر ملزمان کی گاڑی کا پیچھا کرکے حراست میں لیا ہے۔
مددگار پولیس نے گرفتار ملزمان اور متاثرہ لڑکی کو علاقہ پولیس کے حوالے کردیا، جس کے بعد متعلقہ تھانے نے کیس کی مزید تفتیش شروع کردیں۔
