اسلام آباد : معروف عالم دین مولانا طارق جمیل کا کورونا ٹیسٹ نیگیٹو آگیا ہے، انھوں نے مکمل صحتیابی کےلئے مزید دعاؤں کی اپیل کی ہے۔
تفصیلات کے مطابق معروف عالم دین مولانا طارق جمیل نے سماجی رابطے کی ویب سائٹ ٹوئٹر پر اپنے پیغام میں تصدیق کی ہے کہ آپ سب مٌحبین کی دعاؤں سےمیراکوروناٹیسٹ نیگیٹوآگیاہے، مکمل صحتیابی کےلئے ابھی مزید آپ سب کی دعاؤں کا محتاج ہوں، اللہ کریم اپنی رحمت سےاس وبا سے انسانیت کو خلاصی نصیب فرمائیں۔
الحمداللہ آپ سب مٌحبین کی دعاوں سے میرا ٹیسٹ نیگیٹو آگیا ہے،مکمل صحتیابی کےلئے ابھی مزید آپ سب کی دعاوں کا محتاج ہوں، اللہ کریم اپنی رحمت سے اس وبا سے انسانیت کو خلاصی نصیب فرمائیں۔#tariqjamil
— Tariq Jamil (@TariqJamilOFCL) December 19, 2020
یاد رہے 13 دسمبر کو معروف عالم دین مولانا طارق جمیل نے سوشل میڈیا پر پیغام میں کہا تھا کہ گزشتہ کچھ ایام سے طبیعت ناساز تھی جس کے باعث انہوں نے کرونا ٹیسٹ کرایا ، جس کا نتیجہ مثبت آگیا ہے، اطبّاء کے مشورے سے اسپتال میں داخل ہو گیا ہوں، تمام محبین سے خصوصی دعاؤں کی درخواست ہے۔
بعد ازاں وزیراعظم عمران خان اور وزیراعلیٰ پنجاب نے معروف عالم دین کی جلد صحت یابی کے لئے دعا کی ۔
