جامفارہ : نائیجیریا میں ریجنل افسر کے قافلہ پر مسلح افراد کے حملے میں8افراد ہلاک ہوگئے، ہلاک ہونے والوں میں تین پولیس افسران بھی شامل ہیں۔
غیر ملکی خبر رساں ادارے کے مطابق نائیجیریا کی ریاست زیمفارہ کے علاقے کورا نمودہ میں ریجنل افسر کے قافلہ پر شدت پسندوں کے حملے میں8 افراد کے ہلاک ہونے کی اطلاعات ہیں۔
نائیجیریا کے ذرائع ابلاغ نے بتایا ہے کہ ہلاک ہونے والوں میں تین پولیس افسران شامل ہیں جبکہ علاقائی افسر کو بچالیا گیا۔ یہ واقعہ ریاست کتسینا کے قریب پیش آیا جہاں سینکڑوں طلباء کو حال ہی میں شدت پسند تنظیم بوکو حرام نے یرغمال بنا لیا تھا۔
یہ حملہ گزشتہ روز رات کے وقت اس وقت ہوا جب کورا نمودہ کے امیر الحاجی سنوسی محمد آشا اپنے قافلے کے ساتھ وفاقی دارالحکومت ابوجا سے واپس زیمفارہ اسٹیٹ جارہے تھے۔
رپورٹ کے مطابق ہلاک ہونے والے قافلے کے8 افراد میں ڈرائیور کے ساتھ دو سیکیورٹی گارڈ ، تین پولیس افسران اور ایک شہری شامل ہیں۔ رپورٹ میں حملہ آوروں کی شناخت سے متعلق تفصیلات شامل نہیں ہیں۔
