خیبرپختونخوا میں کورونا کیسز میں اضافے پر اسکولز کے بعد مدارس میں درس وتدریس کی تمام سرگرمیوں پرپابندی عائد کر دی گئی۔
کورونا کیسز بڑھنے پر صوبائی دارالحکومت پشاور سمیت کے پی میں مدارس سرگرمیوں پرپابندی عائدکی گئی ہے جس کا باقاعدہ نوٹیفکیشن جاری کر دیا گیا ہے۔
سیکریٹری محکمہ داخلہ و قبائلی امور کی جانب سے جاری کردہ نوٹیفکیشن کے مطابق پابندی این سی او سی کے فیصلےکی روشنی میں لگائی گئی ہے۔
- Advertisement -
سیکریٹری محکمہ داخلہ کا کہنا ہے کہ کے پی حکومت نےعوام کےبہتر مفاد میں فیصلہ کیا ہے، خلاف ورزی پرذمہ داران کیخلاف کارروائی کی جائے گی.
سیکریٹری محکمہ داخلہ اکرام اللہ نے اپیل کی ہے کہ علما کورونا سےنمٹنے تک حکومت کے ساتھ تعاون کریں۔
