کابل : راکٹوں اورخود کار ہتھیاروں سے لیس مسلح افراد نے افغان دارالحکومت کابل کےائیرپورٹ پرحملہ کرنے کی کوشش کی، سیکورٹی فورسز کی جوابی کاروائی میں چار حملہ آوروں ہلاک ہوگئے۔
غیرملکی میڈیا کے مطابق دہشت گردوں نے افغانستان کے دارالحکومت کابل کے ائیرپورٹ کو نشانہ بنانے کی کوشش کی، دہشت گردوں نے ائیرپورٹ کی قریبی عمارت میں چھپ کر فائرنگ کی اور راکٹ استعمال کیے۔
سیکورٹی فورسز اور دہشت گردوں کے درمیان جھڑپ کے بعد سیکورٹی فورسز نے چاروں حملہ آوروں کو ہلاک کردیا، طالبان نے حملے کی ذمہ داری قبول کرلی ہے۔
- Advertisement -
افغان حکام کا کہنا ہے کہ مکمل تلاشی کے بعد علاقے کو کلئیر کرالیا گیا ہے، افغانستان میں دہشت گرد کارروائیوں کا سلسلہ جاری ہے، ایک روز قبل مشرقی صوبے پکتیک کے بازار میں ہونے والے کار بم دھماکے میں نواسی افراد ہلاک اورمتعد زخمی ہوگئے تھے۔
