مرکزی جمیعت علمائے اسلام کے رہنما مولانا اجمل قادری نے اہم انکشاف کرتے ہوئے بتایا ہے کہ نوازشریف دور میں اسرائیل کا دورہ کیا تھا۔
اسلام آباد میں میڈیا سے گفتگو کرتے ہوئے انہوں نے کہا کہ نوازشریف کے گزشتہ دور حکومت میں ایک وفد نے اسرائیل کا دورہ کیا تھا۔
مولانا اجمل قادری نے بتایا کہ ہماری اسرائیل کے وزارت خارجہ کے لوگوں اور کابینہ کے وزراء سے ملاقاتیں بھی ہوئیں، ملاقات کرنے کیلئے وہ ہمارے ہوٹل میں آئے تھے۔
مولانا اجمل قادری کا مزید کہنا تھا کہ اسرائیلی وزارت خارجہ عہدیداران سے تجارت سمیت دیگر امور پر تبادلہ خیال ہوا، اسرائیلی چاہتے تھے سیاسی و سفارتی تعلقات کو فسلطین کے ساتھ مشروط نہ کیا جائے۔
