موسیقی اور گائیکی کے حوالے سے پٹیالہ گھرانا برصغیر میں مشہور ہے۔ اختر حسین خان کا تعلق اسی گھرانے سے تھا۔ وہ نام ور موسیقار اور گائیک تھے جنھوں نے اس فن میں بڑا نام اور مقام بنایا۔
یکم جنوری 1974ء کو خان صاحب اختر حسین خان انتقال کرگئے تھے۔ آج ان کی برسی ہے۔ انھوں نے 1896ء میں آنکھ کھولی تھی۔ فنِ موسیقی کے اسرار و رموز اپنے والد سے سیکھے اور اس میں مہارت حاصل کی۔
کلاسیکی موسیقی کے معروف گائیک امانت علی خان اور فتح علی خان اور ان کے پوتے اسد امانت علی خان نے یہ فن انہی سے سیکھا اور یوں اس گھرانے کا یہ ورثہ اگلی نسلوں تک منتقل ہوا۔
- Advertisement -
خان صاحب اختر حسین خان مومن پورہ کے قبرستان میں آسودۂ خاک ہیں۔
