کراچی: فیڈرل انویسٹی گیشن ایجنسی (ایف آئی اے) کے سائبر کرائم سرکل نے شہر قائد میں کارروائی کرتے ہوئے معلم کو گرفتار کرلیا۔
اے آر وائی نیوز کی رپورٹ کے مطابق ایف آئی اے سائبر کرائم سرکل کی ٹیم نے فوری کارروائی کرتے ہوئے تیرہ سالہ بچی کو گھر آکر پڑھانے والے قاری کو گرفتار کیا۔
ایف آئی اے سائبر کرائم سرکل کے ڈپٹی ڈائریکٹر کا کہنا تھا کہ بچی کی والدہ نے شکایت درج کرائی جس پر کارروائی کر کے قاری کو گرفتار کیا گیا، ملزم پر بچی کو ہراساں اور غیر اخلاقی حرکتیں کرنے کا الزام ہے۔
مزید پڑھیں: پنو عاقل، 10 سالہ بچی سے زیادتی کرنے والا معلم گرفتار
ایف آئی اے کے مطابق ملزم نے بچی کی غیراخلاقی تصاویر بنائیں اور پھر ماں اور بیٹی کو اُن تصاویر کے ذریعے بلیک میل کر کے پیسوں کا تقاضہ کیا تھا۔
فیڈرل انوسیٹی گیشن ایجنسی کے سائبر کرائم ونگ نے گرفتار ملزم کے قبضے سے موبائل برآمد کیا جس میں بچی کی تصاویر موجود تھیں۔ ڈپٹی ڈائریکٹر کے مطابق ملزم کے خلاف سائبر کرائم سرکل میں مقدمہ درج کرلیا گیا۔
