اسلام آباد: قائم مقام چیئرمین پیمرا پرویز راٹھور نے اپنی معطلی کے خلاف سپریم کورٹ جانےکا فیصلہ کرلیا، انھوں نےاسلام آباد ہائی کورٹ میں دائر نظرثانی درخواست واپس لے لی ہیں۔
قائم مقام چیئر مین پیمرا پرویز راٹھور اور کمال الدین ٹیپو نے اپنی معطلی کے خلاف اسلام آباد ہائی کورٹ میں دائرنظر ثانی کی درخواست واپس لے لی، جس پر عدالت نے درخواست خارج کردی۔
وکیل صفائی نے بیان میں کہا کہ اسلام آباد ہائیکورٹ کےحکم کیخلاف سپریم کورٹ جانا چاہتے ہیں، اسلام آباد ہائی کورٹ نے پرویز راٹھور اور کمال الدی ٹیپو کی تقرری کا نوٹی فکیشن معطل کردیا تھا۔
- Advertisement -
تفصیلی فیصلے میں عدالت نے کہا کہ قائم قام چیئر مین کو کام سے روکنے کا حکم دیا گیا لیکن فریقین نے عدالتی حکم کی خلاف ورزی کی اور توہین عدالت کے مرتکب ہوئے۔
