بہاولپور: پاکستان ڈیموکریٹک موومنٹ کی بہالپور ریلی کے دوران پاکستان مسلم لیگ ن کی مرکزی نائب صدر مریم نواز کو سیلفیاں لیتے بھی دیکھا گیا۔
اے آر وائی نیوز کے مطابق سابق وزیر اعظم میاں نواز شریف کی صاحب زادی مریم نواز بہاولپور جلسے میں شرکت کے لیے جا رہی تھیں تو اس دوران انھوں نے سیلفیاں بھی لیں۔
ریلی کے دوران جب وہ گاڑی پر موجود تھیں تو انھوں نے کئی زاویوں سے اپنے موبائل سے سیلفی لی، اس دوران رانا ثنا اللہ بھی ان کے قریب کھڑے تھے۔
پی ڈی ایم نے استعفے دئیے تو حکومت کا کام تمام ہوجائیگا، مریم نواز
واضح رہے کہ گزشتہ روز بہاولپور میں پی ڈی ایم کی جانب سے ریلی نکالی گئی تھی جس سے خطاب میں مریم نواز نے کہا تھا کہ جس دن پی ڈی ایم نے استعفے دیے اس دن حکومت کا کام تمام ہو جائے گا۔
ان کا کہنا تھا پنجاب کو طعنہ دیا جاتا تھا کہ وہ ظلم کے خلاف نہیں کھڑا ہوتا، اب پنجاب اس ظلم کے خلاف کھڑا ہوگیا ہے اور اپنے حقوق کے لیے تیار ہے۔
ریلی میں پی ڈی ایم نے 19 جنوری کو الیکشن کمیشن کے سامنے دھرنے کا اعلان بھی کیا۔پی ڈی ایم کے سربراہ مولانا فضل الرحمان نے کہا کہ انیس جنوری کو فارن فنڈنگ کیس کے خلاف الیکشن کمیشن کے سامنے مظاہرہ کیا جائے گا۔
