کراچی: شوبز انڈسٹری کی معروف اداکارہ ہانیہ عامر کی گنگنانے کی ویڈیو سوشل میڈیا پر وائرل ہوگئی۔
پاکستانی فلم اور ڈرامہ انڈسٹری کی معروف اداکارہ ہانیہ عامر نے سماجی رابطے کی ویب سائٹ انسٹاگرام پر گانا گاتے ہوئے ویڈیو شیئر کی جسے مداحوں کی جانب سے خوب سراہا جارہا ہے۔
ویڈیو میں دیکھا جاسکتا ہے کہ اداکارہ معروف گلوکار فرحان اختر کا گانا ’پی جاؤں‘ گنگنارہی ہیں۔
ہانیہ عامر کے مداح ان کی ویڈیو پر خوب تعریفی کمنٹس کررہے ہیں اور ان کی گائیکی کی صلاحیتوں کو سراہا جارہا ہے۔
اداکارہ کی ویڈیو کو تین لاکھ سے زائد مداحوں نے پسند کیا، مداحوں کی جانب سے ان کی آواز کی تعریف کرتے ہوئے کہنا تھا کہ وہ اداکاری کے ساتھ گلوکاری میں بھی اپنا لوہا خوب منوارہی ہیں۔
واضح رہے کہ یہ پہلی بار نہیں ہے کہ ہانیہ عامر گانا گنگنا رہی ہیں اس سے قبل بھی متعدد موقع پر وہ مداحوں کو ورطہ حیرت میں مبتلا کرچکی ہیں۔
اس سے قبل ہانیہ عامر کی گانا گاتے ہوئے ایک ویڈیو سوشل میڈیا پر وائرل ہوئی تھی جس پر مداحوں نے انہیں امریکی گلوکار جسٹن بیبر کا فیمیل ورژن قرار دیا تھا۔
