کراچی: کپتان پاکستان ویمنز کرکٹ ٹیم نے جنوبی افریقہ کے دورے کو انتہائی اہم قرار دے دیا ہے۔
تفصیلات کے مطابق کراچی میں ویڈیو کانفرنس میں کپتان ویمنزکرکٹ ٹیم جویریہ ودود خان نے کہا کہ جنوبی افریقہ سیریز اہمیت کی حامل ہے، ورلڈ کپ کوالیفائنگ کیلئے یہ دورہ اہم ہے۔
جویریہ خان نے غیر ملکی کوچ ڈیوڈہیمپ کی تعریف کرتے ہوئے کہا کہ ڈیوڈہیمپ گزشتہ تین ماہ سےکافی محنت کررہےہیں ان کی نگرانی میں اچھی تیاری کی ہےا سکے علاوہ جنوبی افریقی ٹیم کی خامیاں جانتے ہیں۔
- Advertisement -
جویریہ نے کہا کہ ٹیم میں بسمہ معروف کی کمی محسوس ہوگی ، سینئرکا کوئی متبادل نہیں ہوتا۔
ورچوئل کانفرنس میں جویریہ ودودخان کا کہنا تھا کہ ہمیشہ کہا ہے کہ ویمنزکی سپرلیگ شروع کرائی جائے۔
واضح رہے کہ پاکستان ویمنز کرکٹ ٹیم 11جنوری کو جوہانسبرگ روانہ ہوگی، سیریز میں 3 ون ڈے اور 3 ٹی ٹوئنٹی شامل ہیں۔
