کراچی: شوبز انڈسٹری کی معروف اداکارہ نادیہ خان گزشتہ دنوں رشتہ ازدواج میں منسلک ہوئیں، اداکارہ نے اپنے یوٹیوب چینل پر ولیمے کی ویڈیو جاری کردی۔
اداکارہ نادیہ خان نے اپنے انسٹاگرام اکاؤنٹ پر ایک تصویر شیئر کی جس میں انہوں نے گلابی رنگ کا لباس زیب تن کیا ہوا ہے اور انہوں نے کیپشن میں لکھا کہ جلد ولیمے کی ویڈیو اپنے یوٹیوب چینل پر شیئر کروں گی۔
View this post on Instagram
اب اداکارہ نے اپنے یوٹیوب چینل پر ولیمے کی ویڈیو جاری کی جس میں انہوں نے گلابی رنگ کا عروسی لباس زیب تن کیا ہوا ہے۔
ویڈیو میں نادیہ خان کو اپنے ولیمے کے لیے تیار ہوتے ہوئے بھی دیکھا جاسکتا ہے۔
نادیہ خان کے ولیمے کی ویڈیو میں تصاویر کا سلائڈ شو بھی دیکھا جاسکتا ہے جس میں ان کی شوہر اور دیگر مہمانوں کے ہمراہ تصاویر موجود ہیں۔
واضح رہے کہ نادیہ خان نے اپنی شادی کے بعد سوشل میڈیا پر شادی اور بچوں سے متعلق وضاحت اور شوہر کا تفصیلی تعارف بھی کروایا تھا۔
