اسلام آباد :وفاقی وزیرعلی زیدی کا کہنا ہے کہ عمران خان کرکٹ کا جائنٹ ہیں ، ویرات کوہلی کوعمران خان جیسا بننے کیلئے دوبارہ پیدا ہونا پڑے گا۔
تفصیلات کے مطابق وفاقی وزیرعلی زیدی نے انٹرنیشنل کرکٹ کونسل (آئی سی سی) کی جانب سے عمران خان کی بطور “کھلاڑی ” مقبولیت دنیا بھر میں برقرار کے حوالے سے کہا ویرات کوہلی کوعمران خان جیسابننےکیلئےدوبارہ پیدا ہونا پڑے گا، کرکٹ کا جائنٹ عمران خان ہے ، ویرات کوہلی اچھے بیٹسمین ہیں لیکن جائنٹ نہیں۔
دوسری جانب آئی سی سی پولز پر معاون خصوصی زلفی بخاری نے سماجی رابطے کی ویب سائٹ ٹوئٹر پر دلچسپ رد عمل دیتے ہوئے کہا کپتان صرف پی ڈی ایم کو ہی نہیں ہرا رہے۔
Kaptaan PM @ImranKhanPTI isn’t just beating PDM 🏆 https://t.co/AoLxw8Rl3X
— Sayed Z Bukhari (@sayedzbukhari) January 13, 2021
مزید پڑھیں : عمران خان کی بطور “کھلاڑی ” مقبولیت دنیا بھر میں برقرار
خیال رہے انٹرنیشنل کرکٹ کونسل (آئی سی سی) کی جانب سے ایک پول جاری کیاگیا ، جس میں عمران خان فاتح قرار پائے، عمران خان نے بھارتی کپتان ویرات کوہلی کو شکست دیتے ہوئے 47 فیصد ووٹ حاصل کئے جبکہ ویرات کوہلی کو 46 فیصد ووٹ ملے۔
