موسم سرما میں بال گرنا اور بالوں کا خراب ہونا نہایت عام بات ہے، تاہم اس مسئلے سے نہایت آسانی سے نجات پائی جاسکتی ہے۔
اے آر وائی ڈیجیٹل کے مارننگ شو گڈ مارننگ پاکستان میں ماہرین نے بال گرنے سے روکنے کے لیے نہایت آزمودہ تیل بنانے کا طریقہ بتایا جس میں ناریل کا چھلکا استعمال ہوتا ہے۔
ماہرین نے بتایا کہ نومولود بچوں کو اگر ناریل کا چھلکا، ناریل کے تیل میں جلانے بعد سر پر لگایا جائے تو ان کے بال بے حد گھنے آتے ہیں۔ علاوہ ازیں ناریل کا چھلکا کھاد بنانے میں بھی استعمال ہوتا ہے۔
سب سے پہلے زیتون، تل اور کھوپرے کا تیل 50 ایم ایل لے لیں، اس میں ناریل کا چھلکا ٹکڑے ٹکڑے کر کے ڈالیں اور اسے جلنے دیں، جب چھلکا سیاہ ہوجائے تو اسے اتار کر ٹھنڈا کریں۔
ٹھنڈا ہونے کے بعد اسے بلینڈ کرلیں اور اس میں ایک ایک چمچ سونٹھ پاؤڈر ڈال دیں۔
ماہرین کے مطابق اگر اندورنی طور پر کوئی جسمانی مسئلہ نہ ہو جیسے خون کی کمی یا تھائیرائڈز جس کی وجہ سے بال گر رہے ہوں تو یہ تیل بالوں کو گھنا کرنے، ان کی نشونما بڑھانے اور بالوں کو لمبا کرنے کے لیے بہترین ہے۔
