اسکردو: موسم سرما میں کے ٹو سر کرنے کا عالمی ریکارڈ قائم ہوگیا، نیپالی کوہ پیماؤں پر مشتمل ٹیم نے کے ٹو سر کرلیا۔
اے آر وائی نیوز کی رپورٹ کے مطابق نیپالی کوہ پیماؤں پر مشتمل ٹیم نے کے ٹو سر کرلیا، نیپالی کوہ پیماؤں کی قیادت مینگما گائل شرما کررہے ہیں۔
نیپالی کوہ پیماؤں کی ٹیم 10 ممبران پر مشتمل ہے، کوہ پیماؤں کو سخت موسمی حالات کا سامنا کرنا پڑا۔
دوسری جانب سوشل میڈیا پر کے ٹو سر کرنے کی خبر ٹاپ ٹرینڈ بن گئی۔
ٹیم لیڈر کا کہنا تھا کہ کے ٹو پر کامیاب مہم جوئی پر پاکستانیوں کو بھی مبارک باد دیتا ہوں، موسم سرما میں کے ٹو سر کرنا خواب تھا، سخت موسمی حالات ، حادثات سے بچنا معجزہ ہے۔
واضح رہے کہ دنیا کی 14 بلند ترین چوٹیوں میں سے 13 کو موسم سرما میں سر کیا جاچکا ہے اور دنیا کی دوسری بلند ترین چوٹی کے ٹو وہ واحد چوٹی تھی جو موسم سرما میں اب تک سرنہیں کی گئی تھی۔
یاد رہے کہ کے ٹو کی بلندی 8611 میٹر ہے جو بلند ترین چوٹی ایورسٹ سے 200 میٹر کم ہے لیکن موسم سرما میں کے ٹو کے حالات جان لیوا ہوتے ہیں، یہی وجہ ہے کہ آج تک اسے سر نہیں کیا جاسکا تھا، اس چوٹی کو سر کرنے کی کوشش میں 86 سے زائد کوہ پیما ہلاک ہوچکے ہیں۔
King of North the Mighty K2
Seen of #K2winter2021 Expedition
© Mingma G pic.twitter.com/QrIKc5ammh
— #BeautifulPakistan🇵🇰🇵🇰 (@LandofPakistan) January 16, 2021
