اسلام آباد : وفاقی وزیر سائنس اینڈ ٹیکنالوجی فوادچوہدری نےبراڈ شیٹ کیس سے متعلق کہا کہ نواز شریف کے خاندان کی 76 جائیدادوں کی قیمت 800 ملین ڈالر بتائی گئی، پھر کہتے ہیں نواز شریف کی جائیدادوں کو چھوڑیں آگےچلیں۔
تفصیلات کے مطابق وفاقی وزیر سائنس اینڈ ٹیکنالوجی فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا کہ براڈ شیٹ کیس کے حقائق نیا تہلکہ ہیں، نواز شریف کے خاندان کی 76 جائیدادوں کی قیمت 800 ملین ڈالر بتائی گئی ہے، یہ بات اب لندن کی عدالت کہہ رہی ہے، پھر کہتے ہیں نواز شریف کی جائیدادوں کو چھوڑیں آگےچلیں، بھائی کیسےآگےجاسکتے ہیں اگر ان کو چھوڑ دیں۔
براڈشیٹ کیس کے حقائق نیا تحلکہ ہیں نواز شریف کے خاندان کی 76 جائیدادوں کی قیمت 800 ملین ڈالر بتائ گئ ہے اور یہ بات اب لندن کی عدالت کہ رہی ہے، پھر کہتے ہیں نواز شریف کی جائیدادوں کو چھوڑیں آگے چلیں بھائ کیسے آگے جاسکتے ہیں اگر ان کو چھوڑ دیں
— Ch Fawad Hussain (@fawadchaudhry) January 18, 2021
یاد رہے مشیر داخلہ واحتساب شہزاداکبر نے براڈشیٹ سے متعلق معاہدے کی دستاویزات پبلک کرتے ہوئے کہا تھا دستاویز پبلک کئےبغیر شفافیت نہیں آسکتی۔
شہزاد اکبر نے بتایا کہ نواز شریف کی ایون فیلڈ پراپرٹی کی مد میں براڈشیٹ کوحصہ دیا گیا، 21.5میں سے 20.5ملین شریف خاندان کی مد میں ادا کرناپڑے جبکہ شون گروپ ،شیر پاؤ ودیگر کی مد میں صرف 1.08 ملین ڈالر ادا کئے۔
ان کا کہنا تھا کہ قانون کے مطابق پراسس سے گزار کرسزا دلانا اور براڈشیٹ سے2000 کے معاہدے کو 31دسمبر 2020تک دیکھنا ضروری ہے۔