ماں نے پیسے دے کر بیٹی کو قتل کروا دیا

بھارت میں ماں نے اجرتی قاتلوں سے بیٹی کو بے دردی سے قتل کروا دیا۔

بھارتی میڈیا کے مطابق یہ دلخراش واقعہ ریاست اوڈیشہ میں پیش آیا جہاں پولیس نے لڑکی کے قتل کے الزام میں ایک 58 سالہ خاتون کو گرفتار کیا ہے۔

پولیس تفتیش کے دوران یہ بات سامنے آئی کہ ماں نے بیٹی کو قتل کروانے کے لیے 50 ہزار روپے ادا کیے۔

ماں اور بیٹی میں تنازع کی وجہ شراب کے کاروبار کو بتایا گیا ہے ماں نے بیٹی کو یہ کاروبار کرنے سے منع کیا تھا لیکن لڑکی نے صاف انکار کر دیا۔

ماں نے پرامود جینا نامی شخص کو 50 ہزار روپے دیے تاکہ وہ اس کی بیٹی کو قتل کر دے، ایڈوانس رقم ملنے کے بعد ملزم نے 12 جنوری کو گاوں کے پاس پلُ کے قریب قتل کر کے پھینک دیا۔

ابتدائی تفتیش کے بعد پولیس نے ماں اور اجرتی قاتل کو گرفتار کر لیا جنہوں نے اپنے جرم کا اعتراف کیا ہے۔

Comments