کراچی: پاکستان کے خلاف ٹی ٹوینٹی سیریز کے لیے جنوبی افریقہ نے اسکواڈ کا اعلان کردیا۔
تفصیلات کے مطابق پاکستان کے خلاف ٹی ٹوینٹی سیریز میں جنوبی افریقی ٹیم کی قیادت ہینرک کلیسن کریں گے، ٹیسٹ ٹیم کے کپتان کوئنٹن ڈی کک ٹی ٹوینٹی اسکواڈ میں جگہ نہیں بناسکے۔
پروٹیز اسکواڈ میں ڈیوڈ ملر، ناندرے برگر، جونیئر ڈالا، ریزا ہینڈرکس شامل ہیں۔
جنوبی افریقی ٹیم میں جورج، جالیمن ملان، ڈوئن پریٹورس، ریان، تبریز شمسی، لوتھو، اسموتس، پائٹ ویٹ ولجن بھی شامل ہیں۔
Heinrich Klaasen will captain the Proteas’ T20 squad in the three-match series against Pakistan in Lahore from 11-14 February 2021. He will lead the national team for the first time.👏#PAKvSA #SeeUsOnThePitch pic.twitter.com/oShxJA6prX
— Cricket South Africa (@OfficialCSA) January 19, 2021
واضح رہے کہ اس سے قبل جنوبی افریقہ ٹیسٹ ٹیم کے کپتان کوئن ٹن ڈی کوک کا کہنا تھا کہ پاکستان کے خلاف سیریز دلچسپ ہوگی، پاکستان میں سیکیورٹی کے انتظامات دیکھ کرمطمئن ہیں۔
کوئن ٹن ڈی کوک کا کہنا تھا کہ بابراعظم کی واپسی کے بعد پاکستان کی ٹیم اور مضبوط ہوجائے گی، بدقسمتی ہے کہ کورونا کی وجہ سے عوام اسٹیڈیم میں آکر میچز نہیں دیکھ سکیں گی۔
یاد رہے کہ پاکستان اور جنوبی افریقہ کے درمیان ٹی ٹوینٹی سیریز 11 سے 14 فروری کو لاہور کے قذافی اسٹیڈیم میں کھیلی جائے گی۔
