ریاض : سعودی عرب کے سابق حکمران شاہ سعودی کے ریل میں سفر کرنے کی نایاب ویڈیو کو سوشل میڈیا پر بہت پسند کیا جارہا ہے، ماضی کی اس ویڈیو میں انہیں ٹرین سے اترتے ہوئے کار میں بیٹھتے ہوئے دیکھا جاسکتا ہے۔
تفصیلات کے مطابق شاہ سعود اکیڈمی کی جانب سے سابق شاہ سعود کی نادر ویڈیو اکیڈمی کے آفیشل پیچ پر جاری کی گئی ہے۔ ویڈیو میں ریل کے ذریعے شاہ سعود کے ریاض سے مشرقی ریجن پہنچنے کے منظر کو دکھایا گیا ہے۔
أول زيارة ل #الملك_سعود رحمه الله ،الى #المنطقة_الشرقية بعد أن أصبح ملكا ، قادما اليها من #الرياض في #السكة_الحديد. وكان في إستقباله الأمير سعود بن جلوي #أمير_الشرقية ومعه الأمراء: مشعل بن عبدالعزيز وفيصل بن تركي وعبدالرحمن الطبيشي وجمال الحسيني .. #الهفوف #الظهران pic.twitter.com/hW9eS3za0D
— الملك سعود (@kingsaud) January 20, 2021
اس نایاب ویڈیو میں دیکھا جاسکتا ہے کہ سعودی عرب کے فرمانروا بننے کے بعد جب شاہ سعود پہلی بار دارالحکومت ریاض سے مشرقی ریجن ریل کے ذریعے پہنچے تو اس وقت کے گورنر مشرقی ریجن سعود بن جلوی نے ان کا پرتپاک استقبال کیا۔
اس موقع پر دیگر مملکت کے امراء اور اکابرین مشعل بن عبدالعزیز، فیصل بن ترکی، عبدالرحمان الطبیشی اور جمال الحسینی بھی موجود ہیں۔ شاہ سعود کو ریل گاڑی سے اترکر کار میں سوار ہوتے ہوئے بھی دیکھا جا سکتا ہے۔
