برن: سوئٹزر لینڈ پولیس کی مشہور افریقی گانے پر ڈانس کی ویڈیو دنیا بھر میں وائرل ہوگئی جس کے بعد مختلف ممالک کی پولیس نے اس گانے پر رقص کرنا شروع کردیا۔
سوئٹزر لینڈ پولیس کی یہ ڈانس ویڈیو سوشل میڈیا پر چند روز قبل سامنے آئی جس میں مشہور افریقی گانے پر رقص کیا جارہا ہے۔ ویڈیو میں پولیس اور قانون نافذ کرنے والے مختلف اداروں کے افسران ہم آہنگ ہو کر تھرکتے دکھائی دے رہے ہیں۔
یہ ویڈیو مختلف ویڈیوز کا مجموعہ ہے جس میں فیلڈ میں کام کرنے والے اہلکار، دفاتر میں بیٹھے افسران اور مانیٹرنگ اسکرینز کے سامنے موجود سیکیورٹی عملہ ڈانس کر رہا ہے۔
یہ ویڈیو بے حد وائرل ہوئی تاہم اس کی مقبولیت میں اس وقت مزید اضافہ ہوگیا جب آئرلینڈ پولیس کو اسے بطور چیلنج قبول کرنے کا کہا گیا۔
پرتگال میں مقیم ایک آئرش ریڈیو جوکی (آر جے) فرینکی بیٹس نے ویڈیو ٹویٹ کرتے ہوئے کہا کہ سوئس پولیس نے اس مشکل وقت میں اپنے لوگوں کے لیے کچھ خاص کرنے کا فیصلہ کیا، کیا آئرش پولیس بھی اس چیلنج کو قبول کرے گی؟
Police officers in Switzerland @fedpolCH decided to do something special for its people in these dark times. Just amazing! @gardainfo? Will you accept the challenge if enough people retweet this? #Garda #Ireland #Police #Jerusalem pic.twitter.com/n32XWzwO5j
— Frankie Beats – KISSFM (@itsbeats) January 15, 2021
اس ٹویٹ کو متعدد افراد نے ری ٹویٹ کیا یہاں تک کہ سوئس پولیس کے آفیشل ٹویٹر اکاؤنٹ سے بھی کہا گیا کہ وہ اس چیلنج کو پورا کیے جانے کے منتظر ہیں۔
We are looking forward to the performance of the @gardainfo ! Even though the 🇨🇭 product of the @ZugerPolizei can hardly be topped in terms of #precision, #discipline an #perfectionism😉.
— fedpol (@fedpolCH) January 15, 2021
صورتحال اس وقت مزید دلچسپ ہوگئی جب آئر لینڈ کے ڈپارٹمنٹ آف جسٹس نے بھی اپنے اکاؤنٹ سے ٹویٹ کیا اور آئر لینڈ پولیس کو اکساتے ہوئے اس چیلنج کو پورا کرنے کا کہا۔
@gardainfo you got this.
💃🕺 Make #Ireland proud👮♂️👮♀️ pic.twitter.com/hOL9gZMRqH
— Department of Justice 🇮🇪 (@DeptJusticeIRL) January 15, 2021
بالآخر آئرش پولیس کے ٹویٹر اکاؤنٹ پر ٹویٹ کیا گیا اور کہا گیا کہ ہمیں چیلنج قبول ہے۔
We’ve got this. Challenge accepted #Jerusalemachallenge
— Garda Info (@gardainfo) January 15, 2021
تاحال آئرش پولیس نے اپنے ڈانس کی ویڈیو جاری نہیں کی، قیاس ہے کہ پولیس افسران ڈانس اسٹیپس کی تیاریوں میں مصروف ہوں گے، تاہم ٹویٹر پر ہونے والی اس گفتگو سے دنیا بھر کے افراد محفوظ ہوئے۔
یہی نہیں مختلف ممالک کی پولیس نے بھی اس ڈانس چیلنج کو پورا کرنا شروع کردیا۔
فرینکی بیٹس نے ہی مختلف ویڈیوز ٹویٹ کیں جن میں سے ایک فرانسیسی پولیس اور ایک جنوبی افریقی شہر جوہانسبرگ کی پولیس کی ہے جس میں پولیس اہلکار اس گانے پر ڈانس کر رہے ہیں۔
Police France in 3,2,1 GO#FrankieBeatsPoliceDance pic.twitter.com/TTYdTDREEy
— Frankie Beats – KISSFM (@itsbeats) January 16, 2021
Police Johannesburg in 3,2,1 GO#FrankieBeatsPoliceDance pic.twitter.com/MXvbINXMGR
— Frankie Beats – KISSFM (@itsbeats) January 16, 2021
یاد رہے کہ افریقی زبان کا یہ گانا سنہ 2019 میں ریلیز کیا گیا تھا جس کے بعد فروری 2020 میں چند افریقی نوجوانوں نے اس پر ڈانس کیا جس کی ویڈیو بے حد وائرل ہوئی تھی۔
