اسلام آباد : نیشنل کمانڈ اینڈ آپریشن سینٹر کا کہنا ہے کہ ملک میں مثبت کورونا کیسزکی بلند ترین شرح کراچی میں13.18 فیصد ہے جبکہ کم ترین شرح گلگت بلتستان میں ہے۔
تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں۔ جس میں بتایا گیا ہے کہ ملک میں مثبت کورونا کیسز کی مجموعی شرح 4.68 فیصد پر آگئی جبکہ کورونا کے 2147مریضوں کی حالت تشویشناک ہیں۔
این سی او سی کا کہنا ہے کہ مثبت کوروناکیسزکی بلند ترین شرح کراچی میں13.18 فیصد ، سندھ میں 7.97فیصد اور حیدرآباد میں مثبت کوروناکیسز کی شرح 3.89فیصد ہے۔
نیشنل کمانڈ اینڈ آپریشن سینٹر نے بتایا کہ اسلام آباد میں مثبت کوروناکیسزکی شرح1.8فیصد ہے جبکہ پنجاب میں شرح 3.85فیصد، راولپنڈی میں شرح2.44، لاہور میں5.46فیصد ، فیصل آبادمیں مثبت کوروناکیسزکی شرح3.83،ملتان میں1.49 فیصد ، گوجرانوالہ میں شرح1.79، بہاولپورمیں5.34فیصد ہے۔
اعدادو شمار کے مطابق خیبرپختونخوامیں مثبت کوروناکیسزکی شرح3.38فیصد، پشاورمیں شرح7.32فیصد ، سوات میں شرح2.11، ایبٹ آبادمیں1.67فیصد ہے جبکہ بلوچستان میں مثبت کوروناکیسزکی شرح3.99فیصد، کوئٹہ میں مثبت کوروناکیسزکی شرح0.85فیصد رہی۔
این سی او سی نے بتایا کہ ملک میں مثبت کیسزکی کم ترین0.94 فیصدشرح گلگت بلتستان میں ہے جبکہ آزادکشمیر میں مثبت کوروناکیسزکی شرح 13.78 فیصد، مظفرآبادمیں میں 2.22 اور میرپورمیں11.11فیصد ہے۔
وینٹی لیٹرپر مریضوں کے حوالے سے نیشنل کمانڈ اینڈ آپریشن سینٹر کا کہنا تھا کہ ملک بھرمیں کورونا کے277مریض وینٹی لیٹرپرزیرعلاج ہیں ، جن میں لاہور میں 84، ملتان میں 23، راولپنڈی میں7 ، کراچی میں 88، پشاور میں 35، اسلام آباد میں32 کورونامریض وینٹی لیٹرپر ہیں۔
