کراچی: شوبز انڈسٹری کی معروف اداکارہ نتاشا علی نے 5 ماہ بعد شادی کی تصاویر شیئر کردیں۔
شوبز انڈسٹری کی نامور اداکارہ نتاشا علی نے سماجی رابطے کی ویب سائٹ انسٹاگرام پر اپنی شادی کی تصاویر شیئر کیں جس میں وہ عروسی جوڑا زیب تن کیے ہوئے ہیں۔
مداحوں کی جانب سے اداکارہ کی تصاویر کو خوب سراہا جارہا ہے اور نتاشا علی کے لیے نیک تمناؤں کا اظہار کیا جارہا ہے۔
View this post on Instagram
واضح رہے کہ گزشتہ دنوں نتاشا علی نے اے آر وائی ڈیجیٹل کے پروگرام ’گڈ مارننگ پاکستان‘ میں شرکت کی تھی۔نتاشا علی کا کہنا تھا کہ وہ تین ماہ سے شوبز انڈسٹری سے دور ہیں لیکن اب بہت جلد مداح انہیں ڈراموں میں دیکھیں گے۔
View this post on Instagram
اداکارہ کا کہنا تھا کہ شوہر کی طرف سے ڈراموں میں کام کرنے پر کوئی پابندی نہیں ہے، مجھے خود ابھی یہ لگتا ہے کہ کم ڈراموں میں کام کروں۔
نتاشا علی کا کہنا تھا کہ ان کی شادی کورونا کے دوران بہت سادگی سے انجام پائی جس میں عزیز و اقارب نے شرکت کی۔
ان کا کہنا تھا کہ چونکہ میری شادی کے فوراً بعد محرم کا مہینہ شروع ہوگیا اس لیے ہم نے کسی قسم کی تقریبات یا خوشیاں نہیں منائی، شادی سے دو ماہ پہلے تک میں بہت پرجوش تھی لیکن پھر محرم کے باعث بعد میں بھی کوئی تقریب منعقد نہیں کی۔
واضح رہے کہ اداکارہ نتاشا علی گزشتہ سال اگست میں رشتہ ازدواج میں منسلک ہوئی تھیں۔
