لاہور: معاون خصوصی وزیراعلیٰ پنجاب فردوس عاشق اعوان نے ٹریکٹرز کی فروخت میں 43فیصداضافہ اور اسٹاک مارکیٹ میں ریکارڈ بہتری کو کرپٹ سیاستدانوں کے منہ پر طمانچہ قرار دیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں معاون خصوصی وزیراعلیٰ پنجاب فردوس عاشق اعوان نے کہا کہ دو ہزار انیس ،بیس میں 15200کےمقابلےمیں21800یونٹس ٹریکٹرز کی فروخت وزیراعظم کی درست معاشی پالیسیوں کی عکاس ہے، جو زرعی پیداوار،زرمبادلہ میں اضافے،کسان کی خوشحالی میں مددگار ثابت ہوگا۔
جنوری 2020 میں پاکستان سٹاک مارکیٹ خطے کی دوسری جبکہ دنیا کی ساتویں بہترین مارکیٹ بن کر سامنے آئی۔ وزیراعظم عمران خان کی قیادت میں تحریک انصاف حکومت کی معاشی کامیابیاں مفاد پرست اور کرپٹ سیاستدانوں کے منہ پر زناٹے دار طمانچہ ہے۔
— Dr. Firdous Ashiq Awan (@Dr_FirdousPTI) January 31, 2021
فردوس عاشق اعوان نے اپنے ٹوئٹ میں کہا کہ پی ایس ایکس جنوری2020میں دنیاکی ساتویں بہترین مارکیٹ بن کر سامنےآئی، وزیراعظم عمران خان کی قیادت میں تحریک انصاف حکومت کی معاشی کامیابیاں مفاد پرست اور کرپٹ سیاستدانوں کے منہ پر زناٹے دار طمانچہ ہے۔
*ٹریکٹرز کی فروخت میں 43% اضافہ، سٹاک مارکیٹ میں ریکارڈ بہتری*
مالی سال 2019-20 میں 15,200 کے مقابلے میں 21,800 یونٹس ٹریکٹرز کی فروخت وزیراعظم عمران خان کی درست معاشی پالیسیوں کی عکاس ہے جو زرعی پیداوار اور زرمبادلہ میں اضافے کے ساتھ ساتھ کسان کی خوشحالی میں مددگار ثابت ہوگا!
— Dr. Firdous Ashiq Awan (@Dr_FirdousPTI) January 31, 2021
انتیس جنوری کو سماجی رابطے کی ویب سائٹ ٹوئٹر پر جاری اپنے بیان میں مشیر تجارت رزاق داؤد کا کہنا تھا کہ ٹریکٹر کی صنعت برآمدی شعبےکی نمایاں صنعت ہے، مجھے خوشی ہے کہ مالی سال 2020-21 کے پہلے چھ ماہ میں فروخت ہونے والے ٹریکٹروں کی تعداد 43 فیصد اضافے سے 21،800 یونٹس ہوگئی جبکہ مالی سال 2019۔20 کے اسی عرصے میں فروخت شدہ 15،200 یونٹ تھی، جو گذشتہ سال کے مقابلے میں 6،600 یونٹ زائد ہے۔
