کولمبیا میں ایک ڈاکٹر کی سرجری کی ویڈیو بے حد وائرل ہورہی ہے جس میں وہ مریض کے حلق سے ایک 7 انچ طویل مچھلی نکال رہا ہے۔
یہ عجیب و غریب واقعہ جنوبی امریکی ملک کولمبیا میں ایک شخص کے ساتھ مچھلی پکڑنے کے دوران پیش آیا، 24 سالہ شخص اپنے فارغ وقت میں مچھلی پکڑنے کے لیے آیا تھا۔
ایک مچھلی اس کے کانٹے میں پھنسی تو اس نے اسے پانی سے نکال کر اپنے ہاتھ میں پکڑا، اتنے میں دوسری مچھلی بھی کانٹے میں پھنس گئی۔
مذکورہ شخص دوسری مچھلی کو بھی چھوڑنا نہیں چاہتا تھا چانچہ اس نے پہلی مچھلی کو اپنے منہ میں رکھنا چاہا، لیکن اسی وقت مچھلی زور لگا کر آگے کی طرف گئی اور پھسل کر اس کے حلق میں پھنس گئی۔
24 سال شخص قریبی اسپتال کی طرف بھاگا لیکن وہ ڈاکٹرز کو کچھ بتا نہیں پارہا تھا، جس کے بعد ڈاکٹرز نے فوری طور پر اس کا اسکین کیا اور اسکین دیکھنے کے بعد ایک مختصر سرجری کر کے اس کے حلق سے مچھلی نکا لی۔
ڈاکٹر کی سرجری کی ویڈیو سوشل میڈیا پر وائرل ہوگئی۔
مذکورہ شخص کو دو دن تک اسپتال میں رکھا گیا اور جائزہ لیا گیا کہ اس کے کسی اندرونی عضو کو تو نقصان نہیں پہنچا، لیکن خؤش قسمتی سے وہ بالکل محفوظ رہا تھا جس کے بعد ڈاکٹرز نے اسے گھر جانے کی اجازت دے دی۔
