لاہور : گورنر پنجاب چوہدری سرور کا کہنا ہے کہ اپوزیشن کے لانگ مارچ کے باوجود مڈٹرم الیکشن نہیں ہوں گے، الیکشن 2023میں ہی ہوں گے۔

تفصیلات کے مطابق گورنر پنجاب چوہدری سرور نے اپنے بیان میں کہا ہے کہ اپوزیشن ون،ٹو،تھری،فورجتنےمر ضی لانگ مارچ کرلے، اپوزیشن کے لانگ مارچ کےباوجود مڈٹرم الیکشن نہیں ہوں گے۔

گورنر پنجاب کا کہنا تھا کہ درجنوں لانگ مارچ سےبھی الیکشن 2023میں ہی ہوں گے، اپوزیشن سینیٹ میں ہارس ٹریڈنگ کاتسلسل،ہم خاتمہ چاہتےہیں، ہار س ٹریڈنگ روکنے کیلئے آرڈننس قومی امنگوں کی تر جمانی ہے۔

چوہدری سرور نے کہا ہارس ٹر یڈنگ کے خاتمے سے جمہوریت اور پارلیمنٹ مضبوط ہوگی، ماضی میں ہارس ٹر یڈنگ کی مخالف جماعتیں آج اس کی حامی ہیں، حکومتی اچھے فیصلوں کی مخالفت اپوزیشن کی سیاسی مجبوری ہے۔

ان کا کہنا تھا کہ اداروں کوسیاست میں گھسٹینےکااپوزیشن کارویہ ملکی مفادمیں نہیں، ملکی ترقی،استحکام،آئین وقانون کی حکمرانی کیلئے ادارے ایک پیج پرہیں، میں نہ مانوں کی سیاست کر کےپی ڈی ایم وقت کاضائع کررہی ہے،چوہدری سرور

گورنر پنجاب نے مزید کہا کہ ملک کودرپیش چیلنجزسےنمٹنےکیلئےعمران خان کی قیادت میں پرعزم ہے۔