کراچی: سچل پولیس نے سپرہائی وے کوئٹہ بس اڈے پر گرینڈ سرچ آپریشن کرتے ہوئے کروڑوں مالیت کا غیرملکی اسمگل شدہ سامان برآمد کرلیا۔
تفصیلات کے مطابق کراچی میں سچل پولیس نے سپرہائی وے کوئٹہ بس اڈے پر گرینڈ سرچ آپریشن کیا، آپریشن کے دوران کروڑوں مالیت کا غیرملکی اسمگل شدہ سامان برآمد کرلیا۔
ایس ایس پی ایسٹ ساجد سدوزئی نے کہا گلشن اقبال اورسہراب گوٹھ نےمشترکہ کارروائی کی، سامان میں چھالیہ، بھارتی گٹکا،صابن،کپڑا ودیگرسامان شامل ہیں۔
ساجد سدوزئی کا کہنا تھا کہ کئی ٹن وزنی سامان9ٹرکوں پر لوڈ کر کے تھانے منتقل کردیاگیا، گزشتہ سال بلدیہ یوسف گوٹھ ٹرمنل پربڑا آپریشن ہواتھا، آپریشن کےبعداسمگل مافیانےسپرہائی وےپرڈمپنگ پوائنٹ بنا یا تھا۔
ایس ایس پی ایسٹ نے کہا ڈمپنگ پوائنٹ سے اسمگل شدہ سامان سپلائی کیا جاتا تھا، چھاپہ مار کارروائی میں ملزمان سکندر گوٹھ کی جانب فرار ہوگیا، ملوث ملزمان کی تلاش جاری ہے۔
